OGOSIBORWA.

Obosibore Bwensi.

Obosibore kegima neira asetore goetera ase yeso Kristo Omonene.Onye totagete kobonyora rirorio goika torigererie emechando gete yarengeo korwa nyuma. Nabo oratangwe na gosinywa goika ekero orarwanie na kobua ase chensemo chitebire ase egetabu eke.

Ebiblia nigo egoteba maiso marore buna esegi y'omokristo teri eyomobere n'amanyinga nonya abegeni ba boronge bagotema koreng'ania obosibore bariereirwe eira ase enchera eye. 'Ebirwanero biesegi yaito tibiri ebiomobere' nabo ringana ria Nyasae rigoteba. Titokorwana na kobua erinde tonyore obosibore bwaito ase enchera eye. Eki ense ekorwa, ebigotindia, obomanyi bwebirengererio na okobaarwa tibiana korenta obogwenia oboikeranu. Eki tobwate buna abigeni nigo gekorokwa egetari kiabotambe, amo nense. Nabo barakeroke buna baraganie, korende nchera ende teiyo ase eke keganeirie nagosanerwa n'abonto bonsi.

Birecha nigo amanyete oboronge bwaye na goika aire ekere ekiaye. Ase omogwekano, nig agokora ogotaabera kwaba ririko ogotenenera erio ochanda na kwanga korua ase abanto. Ekero ebirecha bibwate oboronge bonga buna obwo ase obogima bwaito, bokoreri bonde tibori borarente okogwenigwa goika oboronge obwo bwarusigwe aroro goetera ase obokoreri.

Twarorire obobui obonene na twabuire ogotaabera, amaragererio, okobwatwa nebirecha, okong'useka gwenchikoro na ebibe bie chisokoro.

Tari onsi aiga aragwenere kera omonto ase omobere O'kristo ; korende amang'ana onsi nigo are ayeng'encho ase baria baganetie koba abasibore kegima.

Ande Nyasae nigo abekire amang'ana aya ase amaboko ao abe ekerwanero oganetie mono ekiagera, "Rora bono nario engaki yogwacherwa, rora BONO nario rituko riogotoreka (Okoborigwa)"

(2 Abakorinto 6:2)

Okwaberwa.

"Omonene oye akabea mono akamobeka ase abarendi bechela gokia aakane ebi ariete bionsi. Naboigo na Tata one ore Igoro arabakorere nainwe, onye timokwabera abamino ase chinkoro chiaino ime".

GOIKA twabere. Ogotaabera nakwo gokorenta amarwaire nemechando emenge ase abanto. Amariko nigo agoteba buna goika twabere onye toganetie konyora okwaberwa na koiranerigwa amasabo aito.

Egekonyorekana korwa ase ogotaabera nobororo bonga buna endoru ase chinkoro chiato ime. Amarwaire amange nigo agocha goetera ase okoboota kwobororo kogokora emeremo na korenta amabe ase amagima aito gose emebere yaito.

Nyasae nigo aorogetie oboamate gati yobororo na amarwaire ase orooche rwa mara ( Okong'anya 15) Ekero akorete amache aria amaroro akaba amaansu, nigo aorogetia embu yaye enyia. INCHE NINCHE OMONENE OYO OGOKOGWENIA.

Ekero ogoetera oboeto bwo' bororo nigo okogania nyasae oyo okorenta okogwenigwa kw' omobere.

Okwabera gwekeene tigokorentwa goetera ase chinchera okweigwa. .Nigo kogokoreka goetera ase okonacha ekina .Nabo "toteigwa" kwabera, korende nabo togochora gokora bo.

Okobera tari ogokana okomocha gose ogokorerwa bobe .Naende tari okweba. Ekeene goika twancherane okomocha na gwancherana obororo na okogechigwa onye toganetie goikeera okogwenigwa kegima. Okwabera tari ogowancha buna eki twakoreretwe nekiya. Nigo tokoba abakwabera ekiagera nyasae nigo are oyokwabera.

Engencho enene ase obosibore kegima tari obonge bw'okweabera aye omonyene buna ere ase ogwacherana okwaberwa kwa Nyasae ogoikenaranu asetore .Otwabeire kegima naende nigo aganetie twabere bari bonsi batokoreire bobe.

Okwaberwa na okogwenigwa gwekeene tigokobao chinguru chi'Omoika omochenu chitaiyo. Goetera ase chinguru chie rieta ria Yeso chioka nachio chiragere tonyare kwaberwa.

Oko nogosaba okwororo oranyare gosaba erinde ochake orogendo rwokogania GOSIBORWA.

Ogosaba gwokwabera.

Tata ase erieta ria yeso, Neitirie ekiagera tindaabera , korende nagechire abanto gete nebiombe gete abwo bankoreire bobe na gonsookia. Natwarire ogotaabera ase enkoro yane.

Neitirie obobe nakoreire abande ase orogendo rwane na ogotaba nobwanchani.

Omonene neitirie ekiagera tindanyora okwaberwa ogoikeranu obwo kwang'ete goetera ase amanyinga a Yeso. Tindeabera inche omonyene kegima.

Tata, nakorangeirie bono ontoorie naende ongwenie korwa ase ogotaabera.

Ase erieta ria yeso bono naabeire (Atora kera omonto ore moyo gose okwete, ekeombe kiabanto, obomo bwabanto gose edini gete buna Omika omochenu orarente ase ebirengererio biao . Abera ogokorerwa bobe gwensi , okomocherwa na obororo obwo bwarentetwe na oyomo bwaba.)

Nonyore okwabera inche omonyene.

Tata,nakoboririe onyorokie baria inganetie koboria okwaberwa. Ing'orokerie bionsi ebi inganetie gokora erio inyore okwaberwa kwe'bibe biane ebio nakoreire abande.

Omonene bwamabera,NANYORIRE okwaberwa kwao BONO, ase erieta ria YESO.

Mbuya mono Omonene.

OGOTEBERERIA: Nigo erabe buya mono ekero orakwane amasabo aya neriogi na oirorere amasabo aya kae Omoika Omochenu chingaki chiisaine okworokie bionsi ebi biganeirie.Kero kende nabo orabetererigwe koira chingaki gweitia na gosaba amaabera ase ebinto biria gwakagete buna biaerire. Nabo eraganie emekubio gose emetienyi gete yamasabo aya akoirorerwa erio obokongu nebirengererio biobobe bimanye koera. Richibu tiriba buna bwebe, korende bwabere na konyora okwaberwa goika ekero otari korentera abanto obobe nonya ng'ake.)

Amaragererio

"Kristo natobooretie korwa ase okoragererigwa kwamachiko ekero akoretwe koba okoragererigwa ase ngencho yaito"ekigera nerikire . kera omonto oyobambirwe igoro ase omote oragererigwe (Abagalatia 3:13)

Mamincha ye'birengerio ebinge, amaragereria nigo areo bori.Nigo akorenta ogosaria ase abanto abenge rero.

Ekero Yeso aigete ang'e nomoko oyio. Agakwanera omoko oyio "Korwa bono monto onde taria amatunda korwa asore"

Ekero bare koirana mambia yaye bagaika ase omote oria, ere amo naborokigwa baye. Petero agateba "Omworokia, rora ! omoko oria kwaragereretie bwomire"(mariko 11)

Yeso nigo aragereretie omoko oria goetera ase amang'ana aye akwanete.

Okaragererigwa nigo engencho yaye ere iga " Ogotakera omonto amabe,ogokwana amabe ogoro yomonto, korangeria chingoma gose obobe bogwere gose bochere omonto, korenta amabe ase omonto, gochanda omonto ase amabe amanene"

Amaragererio nigo akobekwa chinguru goetera ase amang'ana agokwanwa .

Amariko nigo agototebia buna amang'ana tari amariogi bosa ase ebikoba, ,korende amakweri n'obogima, , nigo bire ase okobua kw'oromeme.

Amang'ana nigo are abatomwa batomirwe ase obebe-Asatore gose ase abande.

Nabo osogoma igoro y 'ogosesenigwa na amararagererigwa ase Okoiranerera 27 goika 30.

Ekero Musa akwanete amang'ana aya ase abanto , ogosesenigwa nokoragererigwa nigo biabegetwe chingru ase abiro bionsi, nonya Yeso ochete gototoria korwa ase amaragererio aya abekirwe chinguru goetera ase ebibe biato amo nebibe b'iechisokoro chiaito.Gwetanga intwe abanyene korwa ase amaragererio, gioka totaare ase okoigwera emoroberio achikire ere ase ring'ana ria Nyasae.

Ebibe nigo bikoigora egesieri erinde amaragererio asoa ase amagima aito.

Kero kende nabo togoika ase aakong'u ekero togokorera abanto.Goseria abirecha, gosaba, gokwana Ring'ana , nonya nokweng'ata tibikobuna ebisibo bi'omobisa .Ara aange goetera ase Ring'ana r'eichisemi, Omoiaka omochenu nabo okoorokia okoragereria ngotangete omwegeni tanyora obosibore.

Ekero kwabatebirie babune amaragererio ayio goetera ase ogokwana nomonwa, okoboorigwa nigo kogocha na goonchora amagima abo! "Yeso otokoreire ayio onsi. Titoganetie gokora ayio. "Abande nabo bagoteba.

E e, ntoganeirie gokora ayio ! Amaene Yeso oirire okoragereria kw' amachiko ase omosalaba, korende eki akorire tikeri gocha gioka igo ase amagima aito. Inee, aye nigo gwatoregete bosa rioka igo? Nigo kwanyorete omoika omochenu rioka igo? Goika twancherane na goitaba na konyora eki Yeso atokoreire.

Amamonto ase omogondo bwemeika yaito tari kogenda aro oka rioka igo. Goika tobogorie omoro oito na koyaita intwe abanyene.

Eire buna omonto okoeire risiti ririkire ebinto bikogorwa na agotebie buna ebinto bionsi birikire aroro nigo biakaneire kegima. Nabo oranyore kende gionsi kereo eki oganetie. Erinde onyore ebinto ebio goika oichorie ekaratasi yokogania ebinto ebio na koyerwa ase egwenerete koruegwa. Onye tokoyeichoria, binto tibirio okoegwa - Nonya biakaneire gose tibiakaneirie !

Ase enchera eyio eyio, Yeso nigo aakanerete kera eira ase Amariko ase eki akorete ase omosalaba.Chiira echio nigo chire ase kera omwegeni - KORENDE TICHIRI - GOCHA CHIOKA IGO.Goika tochimanye, tochianche na gochinyora Tochibwate ase okwegena! Goika ebe.Okomanoka 12:11 nigo egoteba:

"Na barabwo bakamobua ( Saitani) ase chinguru chiamanyinga Emanwa y'Eng'ondi na ase amang'ana y'borori bwabo."

Ekero abanto batari gosiborwa, engencho gose chingencho nchireo.

Kero kende na'se engecho yamaragererio ayio atarabunwa goetera ase chinguru chiamanyinga ne ring'ana erio rigokwanwa. Twanyorire buna amaragererio nigo akoba buna chunguba ne chimbago chigoetanana ebirecha. Ebirecha ebi bieubi nabo birakwanerwe bieorokie. Ekero obokoreri bogendererete korende tibigosoka na kobera isiko goika okoragereria gose amaragererio amanyirwe na kobunwa.

Omosani one Frank Hammond Omoriki bwegetabu gekorokwa Pigs in the Parlor, nigo ogokwana igoro y'omosubati ochete ase obokoreri. Nonya oichoirie omoika omochenu, nigo arenge goetera obokong'u obonge ase obogima bwaye. Abana baye nigo bachandire namarwaire amabe naende y'okoondokia. Nigo achandire botambe. Kobwatia oborai bw'omoika omochenu, Frank akamoboria igoro ya Ing'ana rinde rionsi eri ande riragere okoragereria gosoe. Eke gekamobetereria ainyore amang'ana yomokungu ore komokorera emeremo yoboreri. Omoreri oyio nigo abwatetwe okoiba, ase igo ekabetereria aikigwe ase ekegambero. Ekero atigetwe agende omoreri oyio agateba ore nobororo: "Tokonyora kende ekiya gotatiga emechando ase emiaka ikomi egocha" Buna abanto abange omosubati oyo omokristo tabara amang'ana aya yomoreri oyo orenge kwemurungania, korende ekero Frank achagete gosaba amo nere na kobuna amaragererio, ere amo na abana baye bagachaka koroka. Okoboorigwa gokeorokia nebirecha bigasoka ! ( Rora Abalawi 18: 25)

Emiaka ebere yabwatetie yobokoreri obo Omwegeni oyo nigo arenge korwa oborori igoro yogoonchoreria nobobui ase obogima bwaye na ase amagima yabana baye!

Inyora! AMACHIBU ONSI NIGO ARE ASE RINGANA RIA NYASAE. Nigo toganeirie koringoria amariko gochia ime mono erinde tobe abasibore - Abasibore kegima.!

Nyuma konaorokereirie Igoro yamaragererio emogoroba oyomo nigo nachagete gokorera abanto ase okobakwanera. Ekero nagendererete kobuna amaragererio yeamate, babere abwo batare konyara gokwana ase emenwa yamasabo nogototogia, bagachaka kogoka ase omonwa omoyia. Tokanyora enchera ase abwo barenge nobokong'u bwokonyora omonwa obo bwamasabo.

Amang'ana aya akobwatia nigo areo ase okogokonya ase ogosoma aye bene. Bogoria Ebuku yao erio origererie kera ekefungo. Nabo oranyore obobui ase obogima bwao ! Nancheranire amo naye ase ring'ana eri.!

AMARAGERERIO AO AO

1. Amaragererio goetera ase ebibe - (Omochakano 4:2-7)
1. Okoragererigwa kwa amachiko (Omochakano 3:10, Okoiranerera 28 )
2. Ebibe bie chisokoro ( Omobaro 14:18)
3. Amaragererio yokoiborwa ekemeru ( Okoiranerera 23:2 )
4. Amaragererio yo'kobwatana noborogi nebinto biebirecha gose obosaitani(Okoiranerera gose obosaitani 18:9-13 )

II. Amaragererio korwa ase amang'ana..

1. Chiira chitari goikeraniogwa (Yona 2:9)
2. Amang'ana yabanto bande - Akwanetwe asore ekero kwarenge omwana omoke amo nabaibori bao gose abanto bande. Amang'ana aya abaibori bagokwana igoro yabana babo nigo are amaragererio are nechinguru. Omogwekano, "Botambe nigo ogokora amamocho" Onye ande omonto ogokwaneire ring'ana rire mamincha asore gose igoro yao, rikane. Teba "Ase erieta ria Yeso,tindi gwanchera amang'ana ayio arete obobe ase obogima bwane." Kero kende nigo togokwana amang'ana are mamincha igoro yaito intwe abanyene. Onye gwakorire igo, orokia ebibe biao. Saba okwaberwa korwa ase Nyasae. anga ogokwana okwo na bweabere aye omonyene.

III. Amaragererio goetera ase ogotaigwana na eburaburu

Eburaburu y'eamate (Malaki 4:6, Emereng'anio 3:33)

1. Eburaburu ase ekanisa n'ogotaigwera (Malaki 2:2, Yeremia 17:5)
2. Okorwa (Malaki 3:9)
3. Ogokonya ase emeremo yomonene. (Abagambi 5:23, Yeremia 48:10)

OGOTEBERERIA: Gokwanera Risiti, okoragereria nigo kogwekaine okonyora egento otasabeti. Onye egento getaganeirie gekorentwa ase egesieri kiao, ninki ogokora? GETOME KEIRANE, KIANGE! Kora bo namaragererio . (Rora Zaburi 7:16 na Zaburi 109:17)

AMARAGERERIO A'BIBLIA

'Okoragereria gotari nengencho tikogoiikera oria oragererigwe' (Emereng'anio 26:2)

'Kebe kende gionsi kere ekiamakweri nokoragereria korwa ase Nyasae (Okoiranerera 21:22-23)

1. Baria bakoragereria Abaisraeli be keene.(Omochakano 27:29, 12:3, Omobaro 24:9)
2. Baria abang'ainereria'ba moenenia (Yoshua 9:23, Yeremia 48:10, Malaki 1:14, Omochango 27:12)
3. Oria otari gokonya abataka (Emereng'anio 28:27)
4. Abaibi na baria bagotiania oborimo ase erieta ri'omonene (Zacharia 5:4)
5. Abagokoreraemeuko bobe(Okoiranerera 27:18)
6. Baria bagokorera bobe abaeti, abataka n'echintakana (Okoiranerera 27:19, Okong'anya 22:22-24)
7. Abagoita abaamate babo bobisi (Okoiranerera27:24)
8. Abaiti (Okong'anya 21:12)
9. Baria bagoita mweneno ase obong'ainereria (Okong'anya 21:14)
10. Baria bakoiba abanto (Okong'anya 21:16, Okoiranerera 24:7)
11. Baria batari gotanga amakweri (Okong'anya 21:29)
12. Baria bagokorera abana bobe gose baria bamwegenete Yeso' kristo (Matayo 18:4-7)
13. Enyomba ya'bakori amabe (Emereng'anio 3:33)
14. Baria bakoigwera abasubati babo kobua komoigwera Nyasae (Omochakano 3:17)
15. Baria bagochaya abaibori babo na tibari kobaigwera (Okoiranerera 27:16)
16. Ebirentane (Okoiranerera 23:2)
17. Abana bakoiborwa korwa ase abaibori abare abeamate eyemo gose eamate ya ime mono (Omochakano 19:36-38)
18. Abana baria bagoaka abaibori babo (Okong'anya 21:15)
19. Baria bakoragereria abaibori babo (Okong'anya 21:17)
20. Baria bakogera oborito bogwe gose bakorusia oborito (Okong'anya 21:22-23)
21. Abaibori baria batari koa abana babo egesusuro giokobarongeyia korende babasika kobua Nyasae (1Samweli 2:17, 27-36)
22. Baria bakorwa abanto babe ekeng'wanso gose baetia abana babo ase omorero (Abarawi 20:2)
23. Abana batari abaigweri (Okoiranerera 21:18-21)
24. Obororo ase okoibora (Omochakano 3:16)
25. Eburaburu ase efamilia (Malaki 4:6)
26. Baria bakong'aina abanto moeneno babaura chinibo chiabo gose batigeria orobebe (Goonchora gose gootorana amachiko a Nyasae) (Okoiranerera 27:17)
27. Ogotaigwera amachiko a Nyasae (Okoiranerera 11:28, Danieli 9:11, Yeremia 11:3)
28. Ogosasima emegwekano (Yeremia 44:28, Okoiranera 29:17, Okonganya 20:5, Okoiranera 5:8-9)
29. Baria babwate gose bagachete ebinto biragereirie (Okoiranereria 7:25, Yoshua 6:18)
30. Baria bakwanga korigia obokonyi korwa ase Omonene (Abagambi 5:2)
31. Abakoreri baria batari koa Nyasae Obonene (Malaki 2:2, Okomaanoka 1:6)
32. Baria bakomoibera Nyasae ase ensemo ya ikomi n'okorwegwa konde (Malaki 3:9, Haggai 1:6-9)
33. Baria bakoroisia emegwekano yogosasima (Okoiranerera 27:15, Okong'anya 20:4, Okoiranerera 5:8)
34. Baria basemeretie mwanyabanto gose tari omonene (Yeremia 17:5)
35. Baria bagokora emeremo yo'monene ase obong'ainereria (Yeremia 48:10)
36. Oria ogotanga omoro oye erinde taitera amanyinga (Oyo otari kogenda esegi, engencho yaye, esegi ya kemoika) (Yeremia 48:10, 1Abaruoti 20:35-42)
37. Baria bakorwa ebingwanso ase chinyasae chi oborimo ((Okong'anya 22:20)
38. Baria bagotema goonchora monto onde bwensi korwa ase Omonene (Okoiranerera 13:6-11)
39. Baria bakoorokereria oboenenu ase Nyasae (Yeremia 28:16-17)
40. Baria bakwanga kobakurera abwo bagokora ebibe (Ezekieli 3:18-21)
41. Baria bagosaria esabato (Okong'anya 31:14, Omobaro 15:32-36)
42. Ogotaigwera eriogi ria Nyasae amachiko, aye nemeroberio yaye echikire (Okoiranerera 28:15-68)
43. 'Ogokuna' Omoakwa amaguta o'Nyasae.
44. Ogoonchorana enchili ya Yeso Kristo (Abagalatia 1:8-9)
45. Baria bakomenta gose korusia korwa ase RINGANA (Okomanoka 22:18-19)
46. Okwanga gokora koreng'ana buna ring'ana ria Nyasae rigoteba (Okoiranerera27:26)
47. Bariabagochora gokora keria omonene atagokirie nakio (Isaya 65:11-15, Rora ekebungo kia 12)
48. Yerusalem nokoragereria ase ebisaku bionsi onye Abayaudi bakoenena ase nyasae (yeremia 26 :2-6
49. baria bakoragereria abagambi babo (1 Abaruoti 2:8-9, okon'ganya22:28)
50. Baria bakoegwa chibesa erinde baite abanto batari na komocha(Okoiranerera 27:25)
51. baria bagokora amang'ana o'borogi(Okong'anya22:18)
52. Baria bakoringoria ebimanyererio(Okoiranerera17:2-5)
53. Baria bakoenena ase obokoreri(Okoiranerera17:12)
54. Ababani b'oborimo(Okoiranerera18:2-19)
55. Baria bagokora aman'gana o'boringoria na gokwana n'emeika yabakure(Abalawi20:6)
56. Baria bakorigia obosemia korwa ase emeika yabanto bakwete amo n'abaringoria(Abalawi20 )
57. Omokungu omotomani(Omobaro 5:27)
58. Onde bwensi orarare na moga ise (Okoiranerera 27:20)
59. Onde bwensi okorara n'engiti ende yonsi (Okoiranerera27:21,Okong;anya22:19)
60. Onde bwensi okorara na moiseke omwabo (Okoiranerera 27:22)
61. Abatomani (Ayubu 24:15-18, Okoiranerera 22:22-27)
62. Abakungu batari korenda obwekungi bwabo goika enyuomo (Okoiranerera 22:13-21)
63. Omosacha okorara nomosacha onde na omokungu okorara nomokungu onde (Abalawi 20:13)
64. Okoba amo kemobere nomokungu ekero ore nomotienyi (Abalawi 20:18)
65. Omosacha okoba nomosacha onde ase okomobetereria (Omochakano 19:13, 24, 25)
66. Ense ase engencho yogotaigwera kwa mwanyabanto (Isaya 24:3-6)
67. Aberori (Zaburi 119:21)
68. Baria bagoakana amabe ase amaya (Emereng'anio 17:13)
69. Baria bakorama erieta ria Nyasae gose koragereria Nyasae (Abalawi 24:15-16)
70. Baria barengereretie amakoro yomobere (Abarumi 8:6)
71. Baria bagotirimboka gochia Misiri korigia obokonyi na tibari komorigereria Omonene ( 1 Isaya 31:1-3)
72. Oboenemu nobomwenu (1Samwel 15:22-23)
73. Baria banchete koragereria ( Zaburi 109 : 17 -20)
74. Okobugwa nobotaka ( Hagai 1: 5 -6).

Ogosaba gwokobuna amaragererio

( gosomwe Neriogi)

Tata ore igoro, naorokirie ng'a Yesu Kristo N'omonene one naende negenire nabogete korwa ase abakure. Naorokirie buna nagorirwe n'amang'ana a Yeso. Tindi oyone omonyene. Nigo nagorirwe ase rigori rinene ase igo inche noyoo .

Tata nachorire kwabera baria bonsi bankoreire bobe naende nasabire onchene korwa ase bibe binde bionsi bitaorokirie bire ase abogima bwane ase engaki eye. Inyorokerie bono iga kende gionsi keria inganetie komanya ekio keragere amasabo ane yogoseria ebirecha atangwe. ( Tegerera ake,ganya omoika omochenu)

Omonene Nyasae, chisokoro chiane chiense eye amo nainche twabunire ogochika kwao, naende twatigeire ensemo ende titoigwa eriogi riao; Ase igo okoragereria nogotiana korikire ase ogochika kwa Musa omosomba O Nyasae, biaumoirwe asetore, ekiagera twakomocheire.

Ase erieta ria Yeso Kristo, nabunire bono na gwesibora inche ne'amate yane, korwa ase amaragererio achire goetera ase ebibe biane, ebibe biechisokoro chiane gose korwa ase monto onde bwensi ore moyo gose okwete.

Naborigwe namanyinga yemanwa ye ng'ondi ase igo naaborigwe korwa ase okoragereria kwamachiko. Naburuire chingurui chiamaragererio onsi achire goetera ase ogokwana - Aya bobe bonde bwensi bwachete goetera ase omonwa one.

Nairanirie bono kera aase natigerete saitani naende neagachire ase okwegena ase Omonene Yeso naende naariganirie ogosesenigwa gose tari okoragererigwa.

Nabunire chinguru chia kera ringana riobobe riakwanetwe ase okomanya gose ogotamanya igoro yane na monto onde bwensi. Natinyirie amang'ana ayio akwanetwe ne chinguru chia maragererio ayio ase okobua kwerete ria Yeso Kristo.

Aye naye Omotooria one, Omonene Yeso Naye Omonene one. Nakoorokeirie nomonwa one, naende naorokirie buna chinguru chia kera okoragereria chiabunirwe bono ase okobua kw'erieta riao.

Nachikire kera obobe, ekerecha ki'eubi, ebio biachire goetera ase egesieri giokoragererigwa bisoke BONO ase erieta ria Yeso Kristo.

Nabunire kera okoragereria kore igoro ase ende nase enyomba yane, rero !

Mbuya mono Yeso.

Mbuya Mono Tata ore Igoro.

OGOTEBERERIA: Bono tiga bigende. Onye erieta gete gose egento gete kegocha ase ebirengererio biao, gekwane na kogetogonyera kegotige. Goika kegende ase erieta ria Yeso O Nazarethi. Eye nero engaki naende yokoboria na konyora okogwenigwa kwomobere na korwa aseamareu ayio achire goetera ase egesieri giokoragererigwa.

OBOSAITANI

"Monto oino tabaisa korwa omwana oye omomura gose omoiseke asambwe ase omorero ime abe ekengw'anso.Onde taba ase egati yaino oyo ogokora obringoria, gose oyogokora oborogi ,gose koruta chinche , gose oyokorangeria ebirecha ,gose oyokorigia obosemia korwa ase emeika yabakure ,gose oborogi bonde bwensi , onde bwensi orakore ebinto ebi nigo arabe okogechia gochia ase omonene: na ase engencho yokogechia oko omonene, Nyasae oino naserie abanto konya bamenyete ase ense eria barue ase amaiso aino" (Okoirarera 18:10 - 12)

"Abange babo abachagete kwegena, bagacha bakaorokia ching'echo chiabo chimbe baare gokora. Abange ase baria bare gokora chingencho chioboragori, bagasangereria ibitabu biabo bakabisamba ase amasio abanto bonsi. Kobakorire omobaro bwe rigori riebitabu ebio, bakonyora ng'a mbiisanete chiropia chie chifeta chilifu emerongo etano. Nabo ring'ana riomonene rikaranda, rikabua" ( Ogokora 19: 18-20 )

Abakristo abange tibari komanya okwobwata oboreba kogokoreka ekero omonto abwatanire nobosaitani.

Ara aange obobe obwo nigo bokogenderera botamanyekaneti goika ogosaria okonene kwarorekana.

Abegeni abange nigo bagokaga buna obobe bwensi bwokobwatana okwo nigo bokorusigwa aroro rioka igo ekero omonto aonchokire. Buna amaragererio, goika tobe ang'e koyaseria onye toganetie obosibore kegima.

OKOMANYA NKOGANEIRIE

Ritangani: Rora ng'aki kore okogechia gokora amang'ana yobosaitani ase Nyasae. Nigo borabe oboenenu gwancherana korigia obokonyi korwa ase emeika yebirecha nonya nogokora echeche yoka. Ase engencho eye Nyasae nigo aganetie tokane kera okobwatana nobosaitani intwe bene.

Eria kabere: Manya ing'a okobwatana nobosaitani obosio ase obosio tikoganeiri erinde ogochandwa nemeika yobosaitani gokoreke. Ogotamanya tikogokwegerera ase ebirecha bire. Ogochandwa nabo kogocha ekero ore ase obsaitani bogokorwa. Saitani tagokororera amabera.

Eria gatato: Manya ng'a okoba ase obosaitani bogokorwa. Kwagerire ebirecha bieubi biasoire ime yao. Goika oserie emeika eye yobosaitani.

Kwanga emeika yobosaitani gose amakoro tikogoisana .Ebirecha goika bitebigwe bisoke.

Eria kane:Ekiagera ebirecha binde nigo bire nechinguru, nabo okogania obokonyi erinde bwesibore kegima

Obosaitani nogokora gose ogwesoyia ase nchera nde yonsi noboringoria, amakoro yebikone, amakoro yemeika,gose chidini chioborimo chiobosaitani na amoorokererio,okobwatana n'obosaitani nabo korabe gwakoregete ekero kwarenge omwana omoke ,kero kende abanto nigo bakwabe okobwatana okwo gwakare. Okowatana nobosaitani nabo korache korwa ase ebiare biaetere biare kobwatana naborobwo, omonto nabo aranyore omoika bwoboringoria gose bwogokwana nemoika yabakure korwa ase chisokoro chiaye.(Rora okoiranerera 5:7-9)

OGOKORA KWOBOSAITANI AO AO.

Omobaro oyo okobwatia nabo oragokonye komanya na kwerusia ase okogechia kwa bobisi. Kobwatekana nokomentekana gwokeorokia kwebirecha nigo kogokora yaba aakong'u ase omabaro koba omotambe.Bona omoika omochenu akoorokererie okobwatana okwo kwabwatanire nakwo.

Oboringoria (Emereng'anio 3:5-7)

Kende gionsi gekobana igoro yamatuko ao are bosio gose gokwana igoro yamatuko ao are bosio gose gokwana igoro yobogima bwao (Isaya 47:13,Abaruoti 1:1-4)

Okoringoria chingenan'geni,omotienyi,risase nebinde goteba igoro y'obogima bw'omonto.

Ebamanyererio bio koiborwa

Kabala

Ogotwara obomanyi ogoro yobogima bw'omonto gose egento gete

Ogosoma okoboko

Emepira yebirore

Erundarundia ekobana na komanya

ESP

Emepira etano n'e etato

Ogosoma amato

Ogosoma ebirengererio

Okorigereria amariko

Amang'ana agoeta ase ebirengererio

OBORWARIA BWE'KERERO

A cupressure (okobeta ebichanga ase omobere na kobisuguma nebiara kogwenia amarwaire

Accunpuncture(Okobeta ebichanga ase omobere kogwenia amarwaire.

Amariogo ye chinguru

Iridology(Ogosoma endorero y'eriso)

A merican Indian lose

magnetic therapies

Ebitenge,chibonyi,amatete

one brain therapies

Nebinde

polarity therapies

Ssychic surgery

Reflexology

Sweat lodges

.Ogoaka ekonu

Visualization

Amariogo yemete

AMAKORO GOBOROGI NOMEIKA

(Okoirinerera 18:9-14)

Okorigian obosemia, okwenyorera kwa bene,ogoonchora ebirengererio,okogambera abandegose oba nokubua igoro yebirengererio namakoro yabanto bande, okoba nokobua igoro yaman'gana agokoreka igoro yao gose igoro yabanto ande isiko yen chinchera nemeroberio ya tata ore igoro.Gose kende gionsi kegokorwa isiko yogwancha kwa nyasae na ase chinguru chiomoika omochenu(Abagaratia 3:1,Okomanoka 21:8)

Ebitabu bionsi,amatera n'amariko igoro y'obosaitani

Nemeika yebirecha

Astrial projection

Amariko akwerika

Chingoro na amakuruma

Oborogi obomwamu,igatwa na oborabu

Boogering

. Ogosamba emesuma kogambera abanto na amakoro

• Okoirorera amang'ana
• Chirisi, ebinto bi' egesio, ebirore.
• Ebitinge, ametete . chisonoi Chibonyi , emesalaba
• (Channelling )
• ( Clairaudience)
• Ogokwana na bakure
• Crux ansata (ankh)
• Amaragererio
• Oboringoria
• Esp
• EST
• U.F.O.S
• Psycho kinesis

• Okomanya ebirengererio
• Ebinto biegesio ekiya, (okogoro kwegesusu ebikorote biebarasi,
• souvenirs , nebinde )
• Hypnosis

3. Incantions

• Lavitaion (obolawi)
• Okogwenigwa kw'oborogiogoonchora amasakara aba chianga
• Amarengari , boogers
• Mediums and séances
• Obosayansi , bwobongo
• Obosayansi bweebinto biense
• Nicromaney
• Ogotumia chingencho konyora ebinto bire inse ye riroba , omogwekano okoroga amache.
• Amaebi
• Chinguru chiobonyanabi
• Psychometry
• Okogamba ebeirengererio bia bande
• Okorora gwa kabere
• Okwemanya aye omonyene
• Ogosamba chinyomba
• Oborogi
• Ogotomerwa obobe
• Omoika okoraa
• Chisemi chiebirecha
• Okoba nebinto biegesio ekiya
• Okobeta emesa

4. Okomanya chindoto ( ogoonchora)

• Voodoo , Hodoo
• Amaroro , chindoto ( isiko yering'ana ria Nyasae)
• Okoroga amache gose okobeta ne chiuma gose ebite gose ebinto binde
• Oboragori
• Yin Yang

Amorokererio yaborimo, chidini chioborimo n'obosaitani

( Abagalatia 1: 8 - 9)

Chidini chiria chigokana buna Yeso Kristo no mwana , okoiborwa kwaye n'omokungu omwekungi , ogokwa n'okoboka kwaye, bakwanga obotato gose bateba buna omonto gete nigo areng'aine nobotato, bagosasima emegwekano ne chinyasae chioborimo gose basaba ase abachenu bakure gose abamwabo bakure ( 1 Abakeri 11:3 -

Arthur Ford

Association for Research and Enlightement

Astral Projection

Bahali.

Abaskaoti Abamura (Rora namorokererio Nyasae chinde tichiri kerikire n'omoriki oyo)

Abaislamu

Hare Krisha

Transcendental

Okoirorera amasabo buna I ching,Karma,yoga,emegwekano,ubani

ogoonchorwa

ogosamba emesuma ase amasabo

Christodelipianism

Chidini chia mocha buna Zen Tap , Buddha , Hindu

Ogosabis Maria gose omochenu onde bwensi

Obotuki bwegedini bwa Amerika.

Eng'enang'eni ya mocha

Elkankar

Edgar Cayce.

Abasikaoti Abaiseke

Ekeombe kiomorembe oime

Jean Dixon

Birori ba Yehova

Masonic Lodge

Aba Momoni

Ekeombe kia rero

Omoroberio omoyia bwense

Chisaburi.

Rossicrucians

Ruth montagomeny

Egesayansi

Ebinyomba bia masabo

Soul travel

Spriritual frontiers Fellowship

Okoba kemoika

Sweden borgianism

Theosophy

Transubstantiation

Chikanisa chiobomo

Obomo.

Chinsemo chinde.

Chidori(Emegwekano y'abanto gose ebinto gete abana gakogosoreria) , nechingiti emegwekano chianyorekanire chikorenta emechando ase abana.

Chinguru nechinchoka ne chigosori chinde chionsi chikogania omonto akore okwegia.

7. chinsemo igoro yobosaitani buna Exocist, poltergeist , omorogi OZ

Gremlins na Hary peter

Chisenama chia Disney, chisenama buna E.T.C esenema eye nigo ere nebirecha, ekworokia obokuani , okogwenigwa keborogi, Esp no'gweonchora) no kworokia chinguru chia kebikone gose amakoro ande onsi re isiko yo'moika omochenu chigosori chie chipapeti nigo chire nebirecha nonya chigotumeka ase chigosori chiabana ( obokoreri).

Chingero chia Rock nogotururunkana nigo chikorenta obokoreri bwogochandwa ase okoragwa kebirengererio goetera ase chikonu chigoakwa ne chingure nogotenga gochia nyuma.

8. Okoraria nokweorokia (Twanyorire ebirama bie chibabu chimumukire namasio yebirecha atari kororekana buya akorenta obwoba kweorokia ase baria bagosoa ( Rora Nyasae chinde tichiri)

Emeroberio y,etelevision buna Fantasy island, Bewitched. Mr. Wizard, Ninja Turtles ne'chikatuni chinde chinyinge chigosori chinyinge chie video ( Chinyinge nigo chire echiobosaitani ase amang'ana amange)

(Soma ogosaba oko gokobwatia ase okonyora obosibore)

Ogosaba gwokonyora obosibore korwa ase obosaitani.

Tata oyo ore igoro nakorangeirie bono ase erieta ria Yeso. Mbuya mono ase engencho yomosalaba na'manyinga a Yeso. Mbuya mono ase okobokigwa na ase ogokora egetongwa ekeyia ase kristo yeso.

Negenire yeso Kristo nomwana O' Nyasae oiboretwe n'omokungu omwekungi, agakwa naende akaboka, naende negenire ase obotato naende negenire buna onde tari oreng'aine obotato bwa Tata, omwana n'omoika omochenu .

Tata ninde nogweitia ngokora: Goetera ase ogotamanya , oboriri nogwancha , nakorire amamocho asore ase okorigia obosemia gose chinguru chi'ebikone chitari korwa asore. Nasabire okwaberwa ase ebibe bionsi biane n'ebiechisokoro chiane. Abakorire aya iga ase ogotaigwera ring'ana riao buna (Okoiranerera 17: 7 -15 na 18: 10 - 12 egoteba) Naangire obosaitani bwensi nokobwatana nogwesoyia kwane amo neamate yane nchene ase omobere , enkoro no moika .

Nasiekere bisieri binde bionsi na bionsi biria naigoreire saitani goetera ase okobwatana nobosaitani . nakaanire okobwatana gwensi amo naba bakobwatia (atora neriogi) kobwatana konde gwensi nobosaitani ebio birache ase ebirengererio biao)

Ase erieta ria Yeso Kristo, Nakanire emeika yechinderia yoboringoria ende yonsi eyio ndabe mbwate naende nayechikire egende erue ase obosio bwane bono. Nabunire okobwatana na birecha konde gwensi ase chinsemo chionsi ase ensemo y'efamilia yane.

Nakanire bono na kwanga emeika ende yonsi yoboringoria nobosaitani eria imanyete na keria intamanyeti.

Nakanire obosaitani bwensi bogokana amanying'a a Yeso Kristo nokoboka kwaye yeso Kristo.

Nachikire kera oborogi nemeika yobosaitani eng'anye bono, ase erieta ria Yeso kristo o'nazareth na manying'a aye.

GENDA BONO!.

Okobwatana gwe Chinkoro

"Ekero Daudi akoorire gokwana na Saulo Yonathan akang'useka na daudi akaba okomwancha mono, amwanchete buna eanchete ere omonyene" ( 1 Samuel 18: 1)

Okobwatana gwe chinkoro nigo kore okobwatana kogokorekana goetera oboamate obonene gose obwanchani bwa ime gati yomosacha na omokungu, abasani ba ime , abasani ba kemobere, abasani ase oboonchoreria , abagaka abagesangio , nebiombe buna ebiobosaitani, chidini ne chikanisa, amo nebiombe bikoumerana ase amakuruma nebinuchi. Omonto nabo aratware okobwatana gotari okwobonyasae amo nechinibo na ebinto okwo nigo kore ogosasima emegwekano.

Oboamate buna obwo nabo borabe obokorenta amkweri na korenta ogotanga okogenderera kwobogima bw'omonto na mono abegeni baria bakorigia obosobore bwabo ase Kristo Yeso. Okobwatana gwenchikoro nigo kogwekaine ekenyobu kebwatanetie omonto oyomo n'oyonde ase ense ya kemoika.

Ekenyobu eke goika gekorerwe emeremo emekongu erinde omonto anyare gosiborwa korwa ase oboamate buna obwo botari boronge.

Omonto nabo aratware okobwatana ne'keombe gose obomo bwabanto. Aiga nao chinguru chiogweochora chi'obosaitani chire naende nao chigokora emeremo. Ogosiberanigwa gwensi kw'engencho yebirecha goika kobunwe ase amasabo n'esegi ya kemoika. Ara aange nigo ere engencho enene gokora kebobani okonacha ebinyobu, ebisibo gose ebiricha biokobwatana nekenyobu gia kemoika.

Oboamate gati yabanto batiganete, abasani ba kemobere, abanto baria bare nechinguru chiokogamba gose kogambera abande na koraa ebiombe biobosaitani, oboamate bonga buna obwo, botari oboronge nigo bore ara aange maiso marore. Ase abande, nigo oraborie omoika omochenu akoe okomanorerwa. Buna okobwatana oko, okomo ase okomo nyuma kagwasabire ogosaba oko!.

Ogosaba gwokobuna okobwatana gwechinkoro

Ase erieta ria Yeso Kristo, nachorire kobera ase obotongi obokoro. Nakanire chinchera chionsi na chinde chionsi echitari echi'obonyasae chi'okobwatana gwechinkoro amo nabanto, chidini na biombe binde bionsi na binto binde bionsi biria bigosiba gose gotanga ogokina na kogenderera kwane kw'obokristo.

Nachire mamincha nokobwatana gwechinkoro oko bono. Nagokanire bono nakogoseria korua ase obogima bwane ase erieta ria Yeso kristo. Yeso kristo nere obobui bwane amo noyogonchena; oyokong'atanana na kombeka ase omobere o kristo na kombeka ase obosibore.

Nakanire okobwatana gwechinkoro gwensi ogotari okw'obonyasae ase erieta ria Yeso kristo. Nachikire okobwatan gwichinkoro oko konyare kobuneka bono. Nachikire naende obosibwa bonga buna obwo botagorwe ase amanyinga aitegete a Yeso Kristo nechinguru chiogochena. Omonene Yeso Kristo ong'eire okobua igoro yechinguru chiomobisa, na goetera ase okobua oko nabunire chinguru chionsi chikorenta ogochanda chirue ase obogima bwane .

Saitani, nesiboire korwa asore amo nebirecha biao, ebio biachire ase obogima bwane goetera ase okobwatana gwechinkoro gotari okw'obonyasae gwachire ase abana ba Nyasae. Nakobakire aye omonene aye ore Endo yegesaku kia Yuda. Aye nigo okobuna kera rikorogoto. Nigo ogosibora baria bachandire banyora obosibore na kwoigora ebiita bie chinchera biabasibwa - HALLELUYA!

Nabunire okobwatana gwechinkoro amo naba bakobwatia. (Bono atora monto onde bwensi ase erieta ri'Omonene Yeso Kristo O Nazareti; natebire buna inche nigo inde omosibore korwa ase ebinyobu, chingatare, nokobwatana gotari okwobonyasae. Nachikire emeika yonsi yabanto eyio yachire asende goetera ase okobwatana gwechinkoro gotari okw'obonyasae gose okoraagwa korwa ase monto onde bwensi gose banto bande bonsi gosoke BONO goritige ase erieta ria Yeso Kristo O Nazareth!!

Mbuya mono Omonene Yeso.

AMEN!

Ebibe Bi'abaibori

Buna twakanete agwo nyuma (omobaro 14:18) ekero abanto batari koba abasibore engencho nereo. Baka Nyasae ase abanto baria batari gotimoka goika banyorire richibu naende babeire abasibore, naende buna omoruoti Dandi tibari gotimoka goika banyorire omorembe ase chimbebe chiabo.

Omokristo ominto ase omochie okorokwa Hawaii nigo aganetie obosibore korwa ase ebisibo ase obogima. Omonene akamoiraneria ogosaba kwaye ase okorenta okomanorerwa buna ebibe bia tata omwabo na sokoro yaye nabio biarentete emechando yaye.

Obong'ainereria bwa 'ise ase chinyomba arenge gokomboa nigo bwarenge korenta obokong'u gati yaye na'banyene chinyomba. Nigo abetereretigwe kong,anya ara ikomi na kabere ase egeka ki'engaki yemiaka etano.Ebiro ebiinge nigo arenge kong'ainwa ase amang'ana aye yogokomboa chinyomba.

Kobwatia oborai bw'Omoika Omochenu ageitia ebibe ebio bia tata omwabo oyio otare gokwana amaene, buna nebiaye biarenge, akaboria Tata ore igoro amwabere na korusia amaragererio ayio achete asengencho yebibe ebio.

Bwango, obogima bogachaka gwonchoreria. Ogochandwa gokarua aroro, erio obosibore bokamochera bokaba obwaye! Emechando ende tiyaba ase obogima bwaye.

Ekero omonto akoba ase okobua, buna omoibori, ekero agokora ebibe nigo akoa ebirecha ribaga biasoa ase obogambi bwaye, buna efamilia yaye (Abanto be nyomba yeya) Ekero Atari koiroka na gweitia , omobisa nigo agocha buna omogoko, ogenderera kobeera ase ebiare biaye bikobwatia. Emechando, oboreu, amarwaire nechimbu chire chimbe nemechando emenene nigo bigweta korwa asare biambokera oroiboro rwaye, gose kero kende DNA.

Amange nigo are aiga agwenerete gokwanerwa ayio ibaga ritaiyo. korende ntosemeretie koyarika ase amatuko are bosio.

Nonya gekororeraka buna egetabu gia Ezekieli 18 kegokana okworokereria oko. Ekero ogosoma buya nigo okorora buna komanya buna teri bo; mamincha yayio, nigo ere togotebigwa buna omwana taganeirie kogenderera ase ebibe biabaibori baye korende nabo arachore obogima ase ogoonchoka korwa ase chinchera abaibori baye bakobwatia amoorokererio ne chingencho chiering'ana ria Nyasae Tata ore igoro. Soma amariko akobwatia:

Okong'anya 20:3-5, 34,7, Yeremia 32:18, Ez 18:2, Ez 20:27-30, Abalawi 26:40, Nehemia 9:2, Nehemia 9:16.

OGOSABA GWOKONYORA OBOSIBORE KORWA ASE EBIBE BIA ABAIBORI.

Tata ase erieta ria Yeso, nigo inganetie koba omosibore korwa ase ebibe ase obogima bwane. Komenta na biria bie chisokoro chiane, nigo imanyete ebibe biane bionsi biabeirwe goetera ase amanyinga a Yeso naende asore nigo ere buna tinakorete ebibe. Korende namanyire buna aya naeteire ase chingaki chiaetire agerire inchandeke ase ebirengererio biane,omobisa otumiire ebirengererio ebio erinde anchande nagontanga ting'onchoka. Nasabire okoboorigwa korwa ase obobe bwarentirwe nebibe biechisokoro

Inyorokie, Tata o igoro, kera ogokora okobe, ebibe, obosiru, okomocha gose ogosaria, Okwo gwachire asende naende okwo gwantangire tinyora obosibore ase omonene Yeso Kristo.

Naganirie koorokia ebibe biane bionsi na konyora okwaberwa asende na ase abanto benyomba yane.

Neabeire ebibe ebio, nabibunire na gwesibora korwa ase obobe bwabo bwonsi, nokorengereria kwabo.

Asa erita ria Yeso Kristo , nabunire amaragererio onsi yechisokoro goika ekiare ki'agatato na gia kane.

Naonchoranire okwaberwa kw'ebibe ebi korengana na 1Yohana 1:9 naende nagoakeire ng'a mbuya mono Tata ase ogonsibia amo nabanto benyomba yane korwa ase ogotaba boronge gwonsi goetera ase amanying a Yeso Kristo.

Nachorire obogima n'obosibore ase okomenya koreng'ana nemeroberio ya kera ringana rikorwa ase omonwa oo, aye Omonene.

Saitani, nagotogonyeire aye amo nebirecha biao bionsi, ebio biasoire ase obogima bwane goetera ase amamocho y;echisokoro chiane.Ntige bono! Tobwati naende aase okobera.Ase erieta rie Yeso Kristo natebire ng'a inche nigo inde omosibore, korwa ase obosibwa obwo, korwa bono na kogenderera.

Mbuy mono Tata O Igoro, ase erieta ria Yeso, ase okogenderera kong'onchora rituko ase rituko ekero ngendererete konyora ogokoreka koba buna aye na koba omwana O 'Nyasae omoikeranu.

AMINA!

AMABORIO IGORO Y'OKOBORIGWA

Okoborigwa ngento ki?

"Ring'ana okoborigwa" engecho yaye nogoseria ebirecha korwa ase abanto, na mono Abakristo.Enchera y'emuma Enyia yobokoreri bwa Yeso,nigo ekoenekia maiso marore igoro yeringane eri.

Ekerecha ninki?

Nigo twasomire ng'a ebirecha nemeika yarure emebere na mono korwa ase ebiare biaetire. Ebirecha ebi nigo bire nechimbu chia bene kera ekemo,okogania na amarieta.

Nigo bire nokogania okonene komenya ime ya mwanyabanto,ekiagera eye nero enchera yoka biranyare goikerania okogania kwabo.Nigo bire nokobua ase ense goetera ase oromeme rwa mwanyabanto.Tibiri kororekana na amaiso a mwanyabanto.

Ninki keragere ting'ombia ebinto ebi?

Yeso taombetie ebirecha, naboigo naintwe titorengereria ng'a ntokore bo. Mamincha y' amorokererio gete y'amatuko aya ,ebirecha tibiri ebiororo, nigo bikorenta obobe.Nabo birabe ebing'ainereria mono goika abanto abange tibamanya buna ngokora bire emeremo ase amagima abo, chinyomba chiabo nechikanisa.

Yeso nigo aete kera omwegeni okobua kw'ososeria ebirecha.Ogoseria ebirecha nekemanyererio kie ritang'ani gekobwatia obogima bw'omwegeni bw'ekeene.

Inee ekerecha nkerwe ase omonto oyomo nagosoa ase oyonde?

Kero kende nabo eranyarekane, ebirecha nabo birarwe ase omont oyomo nagosoa ase omonto onde.Onye omonto oganetie ebirecha bimosoe(buna abanto abwo bagokora oborogi),nabo bagosoyia ebirecha, abanto bare ase omosengererekano bw'okoborigwa nigo barendire buya na goetananwa na manyinga a Yeso,na bana abake boigo.

Ing'ai ebirecha bigochia ekero biaserigwe?

Yeso nigo atebete buna ebirecha nigo bikogenda ase atari namache ekero biarure ase omonto. Nigo bikorigia ase bigotimokera korende tibikonyora erio biairana ase omonto oria biarigia ase bigosoera. Onye omonto oyio nigo achenete enyomba yaye rioka (Omobere obo) na taichoretie ase arenge bosa nobonene bwa Yeso Kristo, ebirecha nigo bikorenta ebirecha binde bitano na bibere biamwabo ase omonto oria. (Isano na ibere ne'namba eng'ikeranu)

Koreng'ana na moorokererio a Yeso, okaba kw'omoerio kwomonto oyio nigo korabe okobe kobua okw'eritangani ekero anyorete okoborigwa.Naende nigo togosoma ase ebiblia igoro ya Yeso ekero gete aseretie ebirecha na kobia ribaga bisoe ase chimbeche,korende ekiagendererete nyuma yaye n'eringana rigwenerete gokwanerwa.

Inee,Ningwenerete Koiroka Ebirecha?

Abegeni na aborokigwa ba Yeso Kristo tibagwenereti koiroka ebirecha nonya n,saitani.Yeso nigo aruete okobua gwensi igoro yechinguru chiomobisa agateba,"Gose kende tikeri keranyare gotokorera bobe"

Inee ,Abana mbarendire buya ase omosangererekano Bwokoborigwa ?

Abana nigo barendire buya koreng'gana nokwegena kwa baibori babo kong'ana.

Ekero baorokererigwe igoro yogoseria ebirecha ,a bana nigo bakoba a barwani bomokia kobua a banto a banene .okoborigwa kwa bana nigo gokonyorekana goetera ase okoborigwa kwa abaibori babo .Ase ebiro ebinge ebirecha nigo bikweorokia ase abana na gosoka korwa ase bare ekero bigosoka korwa ase a baibori babo.

Ninki ekogeera ebirecha bitari goserigwa ase chikanisa chinyinge?

Saitani amo nebirecha bakorire omokia kong'aina omobere o kristo igoro yogokora emeremo kwe birecha.Ekero omokristo gose omokoreri agokora obokoreri bw'ogoseria ebirecha ase obokoreri bwaye n'ase obogima bwaye,nigo obokoreri bogokina goika ekerengo kende na igo kogania orogende rore oroikeranu .

Ekeene omobisa tancheti okwerwa buna okwe nokoorokia gokorenta ase emeremo yaye ase igo ere nigo a korigia gokorwania .Abegeni a bange tibaganetie gokwana igoro yamang'ana y'ebirecha ase amagima abo ase engencho yobosooku .A baraai nigo bakoombia ogoseria ebitecha .Esegi yogoseria ebitecha nigo ere emeremo emekun'gu eganetie okwerua ase chingaki chiao nomokia. Abange nigo bakogobera korwa ase esegi eye ya kemoika ere eye ritang'ani, korende bachora komenya ase chiema chiabo buna a ba Isiraeri bakorete ase obwoba ribaga bakorwania Goriato na komoita .

Nigo ebirecha biaseretigwe korwa asende ararimo Inee ayio teisaini ?

Abegeni abangenigo boorokererigwe buna ogoseria ebirecha nigo kogokoreka ara rimo buna ogotoreka ase ekanisa y'egeinjilisti.Ase ekeene ogoseria ebirecha no'gokora.Kogendererete ase obogima bwomokristo. Ekero omonto asoire ase obonyanyimbo, obogima bwabo bwensi nigo bore ase esegi ,okwearigania. Ase esegi, okogenda ase esegi gose okoba ang'e ase esegi. Okorangerigwa gw'ekeene gwe ekanisa nesegi. Yeso nigo achete erinde asarie emeremo ya birecha. Bono twamanyire buna ebitambokero nebinge biganeirie ase obogima bwa kera omonto kobwatekana nokwangwa , obororo, ebibe nogoetera amakongu gete. Nigo eganeirie togenderere korwana goika ekero twabeire abasibore naende ababui.

Inee omwegeni naserie ebirecha korua a se obogima bwaye are ere omonyene?

Nabo omonto arakane okobwatana nebirecha ebio bikomenya ase obogima bwabo. Ekero ogotiga kobwatana nekerecha kieubi, nigo gokogera keng'anye. Ekerengo ki'omonto aranyare gokora obokoreri ase are ere omonyene nigo ekobwatekana nekerengo giokwegena kwabo. Amorokererio yekeene nobokoreri bwabande abwo bare ase obokoreri ase ekero egetambe. Nigo bore obwengencho enene ase ogokoa okobua kwogoseria ebirecha.

Omorisia one tegeneti ogoseria ebirecha, ninki inganeirie gokora?

Onye koganetie gokiina buna omokristo na koba omobui, goika obeere ase ekeombe kere noborai bwegenete na gokora obokoreri bwogoseria ebirecha. Obokoreri obo tiboganeirie bokorwe ekiagera oborai bwa Nyasae bwe'keene goika bobe omogwekano ase ching'ondi buna Yeso akorete. Ekemanyererio eke kiogoseria ebirecha goika getunyane abegenwa bonsi, amo nabaraai. Yeso tarwete egento kende ekeao ribaga riobokoreri bwogoseria ebirecha. Ere nigo eng'atete na gosaba,korende naende nigo atogonyerete ebirecha na kobiseria. Oborai bwekeene bwa Nyasae goika bobeke omogwekano ogwekaine oyo Kristo.

Ninki Indakore Erinde Ogoseria Ebirecha Kobe N'echinguru ase Obogima Bwane?

• Erwe kegima ase Omonene.
• Orokia ebibe biao bionsi omanyete
• Nyora Ebatiso y'Omoika Omochenu
• Rigia obokoreri obwo orasemerie oigore obogima bwao kegima -kabe maiso marore
• Ebwatanie nobokoreri gose ekeombe kiabegeni bare nokogania buna okwao,okwegena na amokoro
• Arigania enyomba yao buya korengana nering'ana ria Nyasae
• Chaka gokorera abande naende bwerwe aye omonyene asebare
• Amaiso ao tiga arigererie Yeso na bionsi ebi aikire kogokorere,korende tari ebirecha na eki keganeirie gokorka ase obogima bwao

Ebitabu binde birikire na Stephen Bell

Freedom From Fear

The Forgiveness Book

Why cast out Demons

Jezebel Exposed

The Ahab Spirit

No Other Gods

Stop The Hurt

Holding on in the Last Days

Relationships Workshop

www.keyministries.com

or

call(817)283-1700

E-mail:info@keyministries.org

Write,call or email us for a complete catalogue of materials

Our website:

www.keyministries.org

BREAKING FREE (EKEGUSII TRANSLATION)

TRANSLATED BY:

BENARD MAKORI OMAYIO

VICTORY GOSPEL FELLOWSHIP

P.O BOX 17 OGEMBO

40204

KENYA

PHONE:+254715475550

EMAIL:omayiomakori@yahoo.com

Egetabu Kiengecho ase Obokoreri

"Obosibore kegima neira asetore goetera ase Yeso Kristo Omonene.Onye toganetie kobonyora goika toire chingaki korigereria emechando gete yarengeo korwa kare naende yarure korwa ase amatuko aetire".

"Ekero abanto batari konyora obosibore BOTAMBE engencho nereo."

Ogosiborwa nigo kiarigetwe ase ekerenga giokobakonya baria baganetie obosibore korwa ase obosibwa bwebirecha.Chinsemo isano chi'obokoreri chire ase egetabu eke nigo chire echi'engencho enene ase okorongeyia oboeto bw'okonyora okoboorigwa nobosibore oboikeranu.

As emiaka yaetire egetabu eke giasomirwe ase chinsemo chinyinge chiense.Abanyorire obokonyi goetera ase obokoreri obore ase egetabu eke barikire nagokwana igoro yobobui banyorire ase amagima abo.Okoboria gwachire korwa ase abarisia korwa chinsemo ao ao chiense bakoboria ng'a egetabu eke geonchorwa.

Egetebu eke Ogosiborwa,n'ekiobokoreriase onde bwensi oganetie obosibore ase obonge ase amagima abo n'ase oboamate bwabo amo na Nyasae.

Visit us at:www.keyministries.org

Stephen Bell is Apostolic founder and Pastor of The Key Church and Ministries in Euless, Texas in Dallas/Ft.Worth area. He has been ministering to the Body of Christ since 1977.